沙頭角

今日一早做晒 appointment，襯機會上去神秘的沙頭角中英街行下，由九龍塘搭直巴上沙頭角，車程連過關都只係35分鐘，過了關就向關口右邊行，去到中英街街口就有一間沙頭角旅遊公司，其實是公安局的特許機構，入到去以為放低50大洋比埋張回鄉卡就可以入去，點知個職員話香港居民入中英街要跟團的，要由香港的旅行社的名義跟他們申請，唯有望門輕嘆!

算吧，在沙頭角周圍走走，這裡的感覺沒有羅湖的龍蛇混雜，當然沒有羅湖區的多姿多采，但總算有一間大型的百貨公司兼超市，行了一會兒，跟住去埋招商銀行搞埋銀行戶口的事情就回香港。

入手術室

今日入手術室跟Case. 係手術室度偷影。

星期六

尋日再行書展，今次係同Thomas去，收獲不算豐富，但難得搵到心頭好，係一個書攤裡面，居然找到久違了的嚴沁愛情小說，我差唔多成十年都無睇過愛情小說啦，終於找回我當年喜愛的作家，倉底貨，只不過係十個大洋!

無題

尋日去咗威爾斯跟case，個手術由1000做到1600，成日做唔到野。

放工後同執笠范義龍去左書展，係度要多謝文霜姐俾左兩張入場券。入到去，都唔算太多人，都幾舒服。同場加映有煲呔曾加袋巾梁齊現會場，仲有癲狗黃毓民，十分熱鬧。最可惜係糧尾(差一日先出糧)，要不然可以掃貨。唔緊要，星期二同執笠范義龍再入多一次場，食番個尾糊!

去完書展後，就去咗打邊爐，食到十一點幾，番到屋企後成個人散左，今朝訓到成七點幾起身。

熱!熱!熱!

外面成33度，出街做野就黎成個人好似雪糕溶鬼左，今日去完觀塘聯合，落去apm過冷河，然後去聖母醫院，跟手順路去埋浸會，好在今日d護士長心情靚，無濕滯野跟。