星期六，返到公司當然無野做，比老闆見到返左工蒲咗頭就算數。
忽發奇想，不如去散散心。反正上不成officer course，大把時間。自從廣深鐵路四月份提速後就一直未搭過，想試一試CRH的威力有幾勁。
12點幾上到深圳，人唔算太多，先去提款機拎錢，然後買車票，95人民幣頭等，就試一試，上到車箱，搭頭等既人唔多，可能95人民幣貴了一點，成卡唔夠十個人；車箱光猛整潔。列車1237開出，預計1334到廣州東，中途停石龍。最初列車只在120km/h到130km/h徘徊，跟著徐徐升上160km/h左右，同以前的準高速列車的極速一樣。開始有點兒感到失望，以為不會在極速200km/h行走，到車1306在石龍停站，1309再開出。好戲在後頭，原來極速在後面，仲開到203km/h，一直維持了5分鐘左右，最後比原定時間早了3分鐘到了廣州東站。忽發奇想，不如去散散心。反正上不成officer course，大把時間。自從廣深鐵路四月份提速後就一直未搭過，想試一試CRH的威力有幾勁。
出了閘，轉地鐵，先去天河城食飯，去食日式西餐，醫飽個肚後，去了樓下的天林書城打一陣書釘。坎人，再搭地鐵去海珠廣場附近的廣州賓館搭直巴落珠海。盛惠60大洋，雖然係中旅社的直巴，但睇落去都幾恐怖，就在等開車時，見到個司機拎住個鎚仔去揼個車轆，簡直的點兒冒汗，巴士1525開出。出了廣州在第一個收費亭，司機把車停下，再拎個鎚仔去揼個車轆，救命!
不過，在這兩個半小時，巴士經過了中山的翠亨村--中山先生的出生地，也算是意外的收獲。巴士在1800到達珠海拱北，就要步行過關往澳門。
1815已經出了澳門的關閘，求其搵架賭場的穿梭巴士上車，搭普通巴士分分鐘兜到暈，10分鐘出到市區，周圍行，到2100左右出港澳碼頭買船票，去到票房，即班豪華位開2200，普通位開2300，無奈都要買，試下係閘口等Satndby，不過機會十分渺茫。點知在票房隔離窗有一個葡國人，因趕住返香港，無用到張賭場送比佢既普通位贈票，而佢自己就買左張2200既豪華位船票，佢擺低叫我用左張贈票，我來不及說謝謝佢就入左閘啦，換左張2300既船票，臨入閘時有個女人走埋黎，問我張船票幾點，佢話有張2130想換我張2300，當然求之不得啦，唔駛去等standby可以即走。估唔到咁大個仔第一次一口可以搭免費噴射船........
